Tuesday, November 30, 2010
Sunday, November 28, 2010
အမေရိကန်လေတပ် စစ်မှုထမ်းများအား Facebook နှင့် Social Networking ဝက်ဆိုက်များ သုံးစွဲမှု သတိပေး
အမေရိကန်လေတပ်က စစ်မှုထမ်းများအား Facebook နှင့် အခြားသော Social Networking ဝက်ဆိုက်များကို ဆင်ဆင်ခြင်ခြင် သုံးစွဲရန် သတိပေးလိုက်သည်။ Facebook တွင် လေတပ်အမှုထမ်းများ တင်လိုက်သော Post များသည် အမေရိကန် စစ်သည်များ စစ်ပွဲဇုန်အတွင်း တပ်စွဲနေသည့် နေရာများကို ရန်သူများ အတိအကျ ဖော်ထုတ်သိရှိနိုင်မည့် အန္တရာယ်မျိုး ရှိနိုင်ကြောင်း အမေရိကန် လေတပ်၏ ကြေညာချက်တွင် ဖော်ပြခဲ့သည်။
အာဖဂန် နစ္စတန်နှင့် အီရတ်တို့တွင် အမေရိကန် စစ်သည် ကိုးသိန်းခွဲမျှ တာဝန်ထမ်းဆောင်နေရာ ယင်းတို့၏ လုံခြုံရေးသည် Facebook ကဲ့သို့ သတင်းအချက်အလက် ဝေမျှသော ဝန်ဆောင်မှုများအပေါ်တွင် မူတည်နေကြောင်း လေတပ်က ထောက်ပြခဲ့သည်။ မိုဘိုင်းဖုန်း များမှပါ အလွယ်တကူ သုံးစွဲနိုင်သော Facebook ကဲ့သို့ Social Network များကြောင့် အချက်အလက် ပေါက်ကြားမှုများ ဖြစ်လာမည်ကို ပင်တာဂွန် စစ်ဌာနချုပ်က လည်း စိုးရိမ်နေသည်။
GPS စနစ်များ ပိုမိုကျယ်ပြန့်လာသည်နှင့်အမျှ အမေရိကန်တပ်များ အခြေစိုက်ရာ နေရာဒေသ အတိအကျကို Online မှတဆင့် အကြမ်းဖက်သမားများ ခြေရာခံမိသွားနိုင်သော အခြေအနေမျိုး ရှိနေကြောင်း စစ်ဖက်က သတိပေး ထားသည်။ Facebook သည် အသုံးပြုသူများ၏ တည်နေရာကို မိတ်ဆွေ သူငယ်ချင်းများသာ သိရှိအောင် လုပ်ဆောင်ပေးထား သော်လည်း Setting ကိုစိတ်ကြိုက်ရွေးချယ် ပြင်ဆင်ကာ ပြောင်းလဲနိုင်သဖြင့် အချက်အလက် ပေါက်ကြားမှုများ ဖြစ်နိုင်ကြောင်း ဝေဖန်မှုများ ယခင်ကတည်းက ထွက်ပေါ်ခဲ့သည်။
Friday, November 26, 2010
ကိုရီးယား သရုပ်ဆောင်များ ဖြစ်ကြသော ဂျူမုံနှင့် လီဟားနားတို့ ရန်ကုန်မြို့သို့ ရောက်ရှိ
မြန်မာနိုင်ငံတွင်ကျင်းပမည့် တောင်ကိုရီးယားနိုင်ငံ၏ ပဉ္စမအကြိမ်မြောက် ကိုရီးယားရုပ်ရှင်ပွဲတော် ဖွင့်ပွဲအခမ်းအနားသို့ တက်ရောက်ကြမည့် ကိုရီးယား သရုပ်ဆောင် ဆောင်အီလ်ဂွတ် (ဂျူမုံ)နှင့် လီဟားနားတို့သည် နိုဝင်ဘာလ ၂၅ရက် နေ့ ည ၇နာရီအချိန်က ရန်ကုန်မြို့သို့ ရောက်ရှိလာပြီဖြစ်သည်။
ကိုရီးယား အနုပညာရှင်အဖွဲ့သည် နိုဝင်ဘာလ ၂၆ရက်နေ့ နံနက် ၁၀နာရီခွဲ အချိန်တွင် Chatrium ဟိုတယ်၌ မီဒီယာများနှင့် တွေ့ဆုံမည်ဖြစ်ပြီး မွန်းလွဲ ၂နာရီအချိန်တွင် ရန်ကုန်မြို့ ဒဂုံစင်တာ၌ ပရိသတ်နှင့်တွေ့ဆုံ၍ အမှတ်တရ လက်မှတ်ရေးထိုးမှုများ ပြုလုပ်သွားမည် ဖြစ်ကြောင်း သိရှိရသည်။
ယင်းအနုပညာရှင်များသည် နိုဝင်ဘာလ ၂၆ ရက်နေ့ ညနေတွင် ရန်ကုန်မြို့ သမ္မတရုပ်ရှင်ရုံ၌ ပြုလုပ်မည့် ပဉ္စမအကြိမ်မြောက် ကိုရီးယား ရုပ်ရှင်ပွဲတော်ကို တက်ရောက် ဖွင့်လှစ်ပေးမည် ဖြစ်ကာ နိုဝင်ဘာလ ၂၇ရက်နေ့ မွန်းလွဲပိုင်းတွင် ရွှေတိဂုံစေတီတော်သို့ သွားရောက် ဖူးမျှော်ကြမည် ဖြစ်ကြောင်း သိရသည်။
Subscribe to:
Posts (Atom)